Banannegebeess, op Basis vu brongen Banannen

Zutaten:

1 kg Banannen (= +/- 5 Banannen), 600 g Cassonade, 300 ml Zitrounejus (= +/- 4 Zitrounen), Jus vun enger gepressten Orange an 1 Vanillschote

Zoubereedung:

Zitrounen-, Orangëjus an di a Rondele geschnidde Banannen an eng Kasserolle maachen, d‘Cassonade dobäi schëdden an alles bei mëttlerer Hëtzt 45 Minutten kachen.

Wann een d’Gebeess léiwer reng huet kann een zum Schluss mam Mixer doduerch fueren.

A Gebeessglieser fëllen an ofkille loossen.

Dëst Gebeess kann een op der Schmier iessen oder nees kuerz opkachen, mat engem Schotz Rumm
flambéieren a bei eng Vanillsglace zerwéieren.

Liewensmëttel

Wäertvoll Tipps fir d'Lageren a Versuerge vu Liewensmëttel.

Rotschléi

Rotschléi fir ee méi responsabelen Ëmgang mat Liewensmëttel.

Rezepter

Rezeptiddie fir Reschter kreativ weider ze verwäerten.