„Verbrauche bis…“ oder „à consommer jusqu’au…“

Nom Oflaf vum Verbrauchsdatum kann e Liewensmëttel eng onmëttelbar Gefor fir d’Gesondheet duerstellen. Wann dësen Datum ofgelaf ass, soll een de Produit als ongenéissbar ugesinn an en och net méi afréieren. Beispiller heizou si frëscht Fleesch a frësche Fësch.

„Mindestens haltbar bis…“ oder „à consommer de préférence avant…“

De Mindesthaltbarkeetsdatum ass eng Informatioun vum Hiersteller déi bedeit, datt d’Produkt bis zu deem Datum keng oder wéineg Geschmaachs- a Qualitéitsverloschter huet. D’Liewensmëttel sinn awer net zwéngend ongenéissbar nom Oflaf vun dësem Datum. Fir rauszefannen, ob een se nach iesse kann, soll een se kucken, richen a schmaachen. Beispiller sinn Nuddelen, Kichelcher, Kaffi, Räis a.s.w.