Beim Iesse sollen d’Aen net méi grouss sinn ewéi de Mo.

Wann Dir an de Restaurant oder an d’Kantin gitt, bestellt net méi wéi Der packt. Bei engem Buffet soll een den Teller net ze voll maachen, et kann ee jo roueg nach eemol zréckgoe wann een nach hongereg ass. Falls Dir am Restaurant awer ze vill bestallt hutt, zéckt net Är Reschter mat Heem ze huelen, zum Beispill an enger Ecobox.