Iwwer déi finanziell an ekologesch Dimensioun eraus huet jiddwereen och eng ethesch Verflichtung, géint d’Liewensmëttelverschwendung virzegoen. D’Erausfuerderung besteet doranner, déi ganz Weltbevëlkerung ze ernären a gläichzäiteg déi natierlech Ressourcen ze schounen, fir d’Zukunft vun den nächste Generatiounen net a Gefor ze bréngen. Duerch d’Proximitéit vun de Gemengen zu hire Bierger sinn dës besser an der Lag, d’Ëffentlechkeet duerch kleng Aktiounen ze sensibiliséieren an esou ze mobiliséieren. Beispiller an Iddien dozou fannt Dir an eiser Broschür – D’Gemengen als Multiplicateur: Praktesch Rotschléi fir manner ze verbëtzen.