Setzt d’Temperatur vun Ärem Frigo op maximal 5 °C – bei méi héijen Temperature kënnen sech schiedlech Bakterien entwéckelen. Haalt d’Iessensreschter am Frigo an duerchsiichtege Schosselen oder Dëppercher.

Setzt se sou, datt Dir se net vergiesst a bannent dräi Deeg iesst. Benotzt fir verdierflech Liewensmëttel wéi Friichten a Geméis de Prinzip: als éischt eran – als éischt eraus. Méi al Produkter kommen no vir, a wat nei am Frigo ass, gëtt no hanne gestallt.

Frigoen hu verschidden Temperaturzonen. Fir bestëmmte Liewensmëttel ginn et besonnesch gutt Plaze wéi beispillsweis d’Geméisfach ënnen am Frigo.