Zutaten:

• 5 Eeër
• ½ TL Salz
• Esseg
• 50 g Zocker
• 1 ganz räif Bier vun 250 g
• 200 g mëlle Botter
• 100 g Miel
• 40 g Speisestärke
• 1 Päckelche Bakpolver
• 150 g donkele Schockela

Antigaspi-Tipps:

• Eng ganz räif Bier huelen, fir de Kuch ze séissen
• Kleesercher an Ouschterhuesen aus Schockela verschaffen
• Kann een ofgelafene Mindesthaltbarkeetsdatum hunn: Schockela, Zocker, Miel, Speisestärke, Bakpolver (kucken, richen a schmaachen)

Zoubereedung:

Eng ronn Bakform afetten a mat Zocker bestreeën (Zocker karamelliséiert beim Baken, sou datt ee manner Zocker fir den Deeg brauch). Déi 5 Eegiel mat 50 g Zocker opschloen bis se hellgiel sinn, déi 5 Eewäiss mat e puer Drëpsen Esseg an dem Salz fest opklappen (duerch den Esseg an d’Salz fält d’Mass net zesummen).

De Schockela am Bain-Marie schmëlzen. De mëlle Botter opklappen an de geschmoltene Schockela drënnerréieren. D’Miel mat der Speisestärke an dem Bakpolver duerch eng Passett maachen. Déi räif Bier schielen, de Batz eraushuelen a se a kleng Stéckelcher schneiden (d’Bier net mixen, soss gëtt de Kuch mätscheg).

Den Uewen op 150 °C opwiermen. All d’Zutaten virsiichteg mam Schnéibiesem ënnereneenhiewen an an d’Bakform fëllen. Bei 150 °C 1 Stonn baken. Onbedéngt de Stäbchentest maachen. De fäerdege Kuch an der Bakform am ausgemaachten Uewen 30 Minutte roue loossen. Eraushuelen a ganz ofkille loossen.