Zutaten:

• 150 g Miel
• 75 g kale Botter plus ee Schnatz Botter
• 3 cl kaalt Waasser
• 2 Eeër
• 100 ml Ram
• 100 ml Mëllech
• 300 g Muertegréngs
• 150 g Porretten
• Salz a Peffer
• Muskotnoss
• 250 g Saumon fumé (oder Räuchertofu, oder Geméis)

Antigaspi-Tipps:

• Wann ee Muerte kacht, d’Gréngs wäschen, kleng schneiden an afréieren
• Reschter Geméis verwäerten
• Kann een ofgelafene Mindesthaltbarkeetsdatum hunn: Miel, Peffer, Muskotnoss (kucken, richen a schmaachen)

Zoubereedung:

D’Miel, d’Salz an de Botter verreiwen, mat Waasser knieden bis e Mierfdeeg entsteet (alternativ kann och Bliederdeeg benotzt ginn). D’Gréngs vun de Muerte wäschen. Duerno zesumme mat de Porrette schneiden an am Botter undämpen. D’Eeër mat de Gewierzer opklappen a mat der Ram verréieren. De Saumon (oder Tofu, oder d’Geméis) a Wierfele schneiden.

Dann de Mierfdeeg an eng gefett Taarteform verdeelen, mat de Porretten an dem Gréngs vun de Muerte garnéieren an d’Eeërmëschung driwwerschëdden. Am Bakuewe bei 200 °C 25 Minutte laang baken.

Rezept fir 2 Persounen