Zutaten:

• 150 g Miel
• e bësse Salz
• 75 g kale Botter
• 3 cl kaalt Waasser
• 150 g gebrode Gehacktes oder gekachte Fleesch
• 150 g Geméis (gewierfelt)
• 1 Ee

Antigaspi-Tipps:

• Reschter vu gekachtem Fleesch verschaffen
• Reschter vu gebrodenem Gehacktes huelen
• Reschter vu Geméis verwäerten
• Kann een ofgelafene Mindesthaltbarkeetsdatum hunn: Miel (kucken, richen a schmaachen)

Zoubereedung:

D’Miel, d’Salz an de Botter verreiwen, mat Waasser knieden bis e Mierfdeeg entsteet (alternativ kann och Bliederdeeg benotzt ginn). D’Geméis mam Fleesch a mam Ee mëschen. E bësse méi wéi d’Hallschent vum Deeg ausrullen. Eng Taarteform mam Deeg ausleeën an de Rand 2 cm héich zéien. D’Fleesch-Geméis-Mëschung drop schëdden, den Deegrand ëmschloen a mat Waasser befiichten. De Rescht vum Deeg op d’Gréisst vun der Taarteform ausrullen an als Deckel drop leeën. E puermol mat enger Forschett an den Deckel picken. Am virgehëtzte Schäffche bei 200 °C ongeféier 30 Minutte baken.

Rezept fir 2 Persounen