Zutaten:

• 2 saierzeg Äppel
• 100 g Miel
• 80 ml Mëllech
• 1-2 Eeër
• Ueleg fir ze Frittéieren
• e bësse Salz
• 50 g Zocker
• Kanéil

Antigaspi-Tipps:

• Getéitschten Äppel huelen, d’Plazen erausschneiden
• D’Äppel net schielen
• Kann een ofgelafene Mindesthaltbarkeetsdatum hunn: Miel, Zocker, Kanéil (kucken, richen a schmaachen)

Zoubereedung:

D’Äppel gutt wäschen, de Batz eraushuelen a se an déck Scheiwe schneiden. D’Miel mam Zocker a mam Salz an enger Schossel mëschen, d’Mëllech an d’Eeër dobäi ginn an alles zu engem glaten Deeg verréieren. D’Äppelscheiwen an den Deeg zappen an am waarmen Ueleg (an engem groussen Dëppen z. B.) frittéieren. Se eraushuelen an op engem Stéck Kichepabeier ofdrëpse loossen. De Kanéil mat e bëssen Zocker mëschen an d’Äppelscheiwen do eng Kéier dran ëmdréinen.

Rezept fir 2 Persounen