Zutaten:

• 4 Tranche Brout oder 4 Bréidercher
• 2 Bieren oder Äppel
• 2 Iessläffel Zocker
• de Jus vun 1 Zitroun
• ½ Pak Vanillzocker
• 250 ml Mëllech
• 2 Eeër
• Botter
• e bësse Salz
• 25 g Korinten oder Cranberries
• 25 g Nëss (déck Nëss oder Pinie Käre)
• évent. Kanéil an/oder Pudderzocker

Antigaspi-Tipps:

• Alt Brout oder haart Bréidercher huelen
• Getéitschten Uebst huelen, d’Plazen erausschneiden
• Kann een ofgelafene Mindesthaltbarkeetsdatum hunn: Zocker, Vanillzocker, Korinten, Cranberries, Nëss, Kanéil (kucken, richen a schmaachen)
• Bio-Zitrounen ofreiwen an d’Schuel afréieren

Zoubereedung:

De Bakuewen op 200 °C virhëtzen. E Schnatz Botter an enger Gratinsform verreiwen. D’Bréidercher an dënn Tranche schneiden, d’Tranche Brout am Bakuewen kuerz uréischteren. D’Bieren oder Äppel schielen an a Spalte schneiden. E bësse Botter an een Iessläffel Zocker an enger Pan erhëtzen. D’Uebst kuerz an der Pan schwenken, mam Zitrounejus ofläschen an ofkille loossen. Mëllech, Eeër, Salz a Vanillzocker mam Rescht Zocker kräfteg opschloen. D’Tranche Brout kuerz an des Eeër-Mëllech zappen an ofwiesselnd mam Uebst an der Oplaf-Schossel schichten. Korinten an Nëss driwwer streeën. Da bei 200 °C fir 20 – 25 Minutte baken. Eraus huelen, bëssen ofkille loossen a mat Pudderzocker an/oder Kanéil bestäuben.

Rezept fir 2 Persounen