20/12/2023

Gehéiert all Geméis an de Frigo? Oder ginn et Zorten, déi ee besser op enger killer Plaz lagert? Wéi laang hält sech Fleesch am Frigo? A wéi laang agefruer an der Tru? Firwat soll ee Miel, Räis a Nuddelen net einfach an engem Glas an der Sonn stoe loossen?

Wéi laang Liewensmëttel frësch a gesond bleiwen, an hire Goût behalen, hänkt dovunner of, wou a wéi se gelagert ginn, bei wéi enger Temperatur a Loftfiichtegkeet. Déi richteg Lagerung verhënnert, datt d’Iesswuere virzäiteg vu Schimmelpilzen, Schädlingen a Keime befall ginn oder duerch chemesch Prozesser ongenéissbar ginn. Se verhënnert deemno och, datt Liewensmëttel mussen ewechgeheit ginn, well se verduerwe sinn.

D’Experte fir Liewensmëttelsécherheet vum Ministère fir Landwirtschaft, Ernärung a Wäibau hunn zu deene verschiddene Liewensmëttelkategorië wäertvoll Rotschléi fir d’Lagerung zesummegestallt, déi Dir hei kënnt duerchliesen.