15/11/2024

Am Kader vum internationalen Antigaspi-Dag hat de Landwirtschaftsministère d’Leit dozou opgeruff, hier Antigaspi-Rezepter eranzeschécken; déi Rezepter also, an deenen d’Reschter vun deenen Deeg virdru verschafft ginn. Ënnert all den Zouschrëfte gouf dat originellst Antigaspi-Rezept erausgesicht: Pasta mat enger Kalbass-Feta-Zooss vun der Madamm Mandy Poncin. Si huet dofir Reschter vun enger Lasagne a vun enger Kalbass mat Feta aus dem Uewen verwäert.

Hei ass d’Rezept:

• Lasagneblieder a Stécker briechen a wéi Nuddelen a gesalztem Waasser kachen.
• Déi scho gebake Kalbass mam Feta an enger Kasseroll opwiermen. Ram dobäi ginn a mam Mixer zu enger Zooss püréieren. Wa se net flësseg genuch ass, e bëssen Nuddelwaasser dobäi schëdden.
• Fir e bësse Faarf a Bëss an de Plat ze bréngen, kommen e puer gréng Ierbessen aus dem Tifküler dobäi.
• Dat Ganzt mat Salz, Peffer a Kürbisgewürz wierzen.
• Déi gekachte Stécker Lasagneblieder ofwiesselnd mat der Zooss an e puer Schichten op een Teller maachen.
• Parmesan uewendrop ginn, frësch gehuwwelt wa méiglech.
• Frësche Basilikum, Piniekären an ee Schotz Olivenueleg dobäi ginn.