Dat ass de Slogan vun eiser Campagne „Zesumme géint d’Liewensmëttelverschwendung“. Am Video weise mir ee Frigo deen, gutt gefëllt wéi en ass, an den Dreckswon flitt, ouni datt sech iergendeen dorunner stéiert! Op dës Aart a Weis wëlle mir d’Leit interpelléieren a symboliséieren, datt mir eis Liewensmëttel nees méi musse wäertschätze, fir se an Zukunft net méi esou ze verbëtzen.